1986- yili, ali mektepni tamamlap 1999- yili 9- ayning axirghiche gézitxanida terjiman, muxbir, terjime tehriri, fotogiraf bolup xizmet qildim. Bu jeryanda muxbirliq xizmiti bilen wetinimizning herqaysi wilayet, nahiye, yéza- kentlirigiche ziyaret qilip, türlük témilarda yazghan maqalilirim herqaysi gézit- jornallarda élan qilin´ghan. Yashliqtiki jushqunluq, kespke bolghan intilish türtkiside, ishtin sirt ishligen, ijadiy we jerjime kitaplirim arqimu- arqa neshir qilinip, maqalilirimni, eserlirimni yaqturup oquydighan mushtiriler köpiyishke bashlighan. 

1999-yili 10 –aydin bashlanghan 23 yilliq muhajirettiki hayatimda, tirikchilik,teshkilatchiliq, aile, xizmet qatarliq türlük jiddiychiliktin purset tépip, nechche kitap bolghudek maqala yazghan bolsammu uning beziliri élan qilinip, bezi qol yazmilirim yütüp ketti. Meqsidim kitap neshir qilish emes belki maqalilirim arqiliq, téz özgüriwatqan dunya weziyitini toghra tonush, uningdin özimizge paydiliq pursetlerdin paydilinish, idiye, xizmettiki birlikning muhimliqi qatarliq témilarda köpchilik bilen ortaqlishishtin ibaret.

Tughulup ösken eziz yurt, ürümchidin ayrilghili mana 23 yil boptu. Atmaydighan tang, axirlashmaydighan zimistan qish bolmisa kérek. Insan ümüt bilen yashaydu we shu ümüt üchün tirishidu. Shu seweptin “Tengritagh Bahari”da,  maqalilirimning wastisi arqiliq oqurmenler bilen hemsöhbetlishishni layiq taptim.

Èhtiram bilen Anwar Ahmad