Amerikidiki saylam riqabiti
Aptor: Anwar Ahmad
Bügün amerika Prezident saylimining axirqi küni. Normal ehwalda bügün, pütün dunyanining diqqiti merkezleshken bu saylamning netijisi elan qilinishi kerek. Emma hazirghiche bolghan saylam riqabetchilirining, saylinish üchün elip beriwatqan herkiti tarixta az körülidighan jiddiy riqabet weziyitini shekillendürdi. Nopuzluq siyasi erbaplar, saylam waqtining hepte hetta ay axirighiche sürülidighanliqini mölcherlimekte.
Bu nöwetlik saylam ikkinchi dunya urushidin keyin shekillengen, demokratik hakimiyet bilen bash kötergen xitay diktatur hakimiyiti otturisida ziddiyet keskinleshken bir mezgilde elip beriliwatidu. Xitay hökümiti 19-nöwetlik 5- omumiy yighinida, xi jinping özining 2035 – yilighiche textte olturup amerika we gherp dunyasigha qarshi turush, dunyagha xojayinliq qilip ameriking dunyadiki ornigha chiqishtin ibaret rezil nishanidin xelqaragha bisharet berdi. Demokratik, erkinlik qimmet qarishidiki dölet- jemmiyet tüzümi bilen diktatur, erkinlikke qarshi dölet tüzümi keskin riqabetke duch keliwatidu.
2018 –yilidin etibaren amerika xitay otturisidiki soda toqunishi dawamida, amerika hökümiti xitayni jazalashtiki herbiy jehette iskenjige elish, ilghar texnikilarni xitaygha bermeslik, pul- muamile tijaritide chek qoyush, eqtisadiy jehette besim eshlitish qatarliq bir yürüsh tedbirlerni yolgha qoyghan bolsimu uning digendek ünüm bermigenlikini emeliyette körüwatimiz. Amerika we gherp demokratik döletlerning xitay hökümitige bergen kishilik hoquqqa hörmet qilish aghahlandurushliri ünüm berish uyaqqta tursun xitay hökümiti teximu esebileshti. Uning sherqiyrürkistanda dawamlashturuwatqan erqiy qirghinchiliqi buning emeli misali bolalaydu.
Eger amerika gherp demokratik döletliri bilen küchlük rewishte xitaygha qarshi ittipaq tüzüp, sherqiytürkistanning musteqilliqini eslige keltürüshke yardem qilsa, sherqiy türkistan arqiliq xitayning ghrp, ottura sherq, afriqighiche bolghan rayunlargha kengeymichilik qilishini ünümlük tosiyalaydu. Teywenni qoral bilen küchlendürüp yaponiye bilen bolghan herbiy hemkarliqni ashursa xitayning dengiz arqiliq, gherbiy tench okyan, hindi okyan shundaqla shimaliy muz okyanghiche kengiyishtek shum niyitidin tosiyalaydu. Shuning bilen bir waqitta amerika yitekchilikidiki gherp ellirining demokratik, erkinlik qimmet qarishidiki dölet, jemmiyet sestimisi rawajlinip dunyaning uzun muddetlik tenchliqi, amerikining dunyadiki yitekchi orni mustehkemlinidu. Qisqa muddetlik iqtisadiy paydini közlep, xitayni meylige qoyetse, yaki ünümlük bir tedbir elinmisa dunya xitayning diktatur tüzümini qobul qilishqa mejbur bolidu we uning dunya miqyasida wabadek kengiyishige sewep bolidu. Mao zedongning“ gherp jahangirliri bir qeghez yolwas “ digini bir“ hikmet“ ke aylinip emeliyette ispatlanghan bolidu.
Men shexsen Donald Trumpni tekrar amerika prezentdi bolup saylinidu dep qaraymen shundaqla uning xitaygha qarshi dunyawi birliksep qurup, xitay hakimiyitini yer yüzidin yoqutup, bizdek asarette yashawatqan milletning dölitimizni eslige keltürüsh kürüshimizge yardem qilishini ümit qilimen.Sherqiytürkistanning musteqil dölet bolup turushi xitayni tizginlesh shundaqla dunya tenchliqini saqlashta intayin muhim ehmiyetke ige. Gherp elliri bu nuqtini yaxshi chüshinishi kerek. Bu nuqta tarixta ispatlanghan heqiqet.
2020- yili 11- ayning 2- küni Gérmaniye.